محمد جراحي يكتب لسا شباب


:

عجزنا جدا
بدري بدري الدنيـا هانت
حتي اللي مفروض يبقوا حلوين
بانوا جدا
لما خصلة شعر بانت
البنت قالت
عمو.. عمو..
ابنك البكري عاكسني
مسمعتش الا عمو عمو..
عمو مين!
و الله و كبرت و فين سنينك يا حزين
معدش ينفع تنزل الشارع و تجري كما الفتوه
هيقولوا شايفين اللي شايب بعمل ايه؟ !
و معدش ينفع تبتسم
أو تعاكس بنت حلوه
هيقولوا عيب
سبت ايه لابنك يا بيه؟ !

كبرنا ليـه!
كبرنا امتـي؟!
و يا تري رايحين لفين
فاكرين سنين المريله و لعب الطابور
و كل يوم جمعه و طبيخ فوق الوابور
و اللعب تحت التوته و عيدان البخور
و اتنين في عز البرد سهروا مأفأفين
و عيال بتهرب
لابسه كستور حجره واسع
نستخبي من الحُما
و نجري ندخل اي جامع
كنا الونس للسهرانين
و لعماويـد الشوارع
كنا شله تعد مِيَـه
و النهارده بقينا فين
اللي رايح و اللي راجع
داق سلامنا و حربنا
نلبس شوال خضينا ياما
رجال تعدي فـ دربنا
نقعد في جمب و نتسطل
عرق البلح كان دمنا
مساطيل صحيح بس نـار، مش سكرانين
و كبرنا حبه صغيرين
و عرفنا مواعيد البنات
و شربنا ست الحسن فرط
و كل شَده بذكريات
و قطر شال الناس مولع
و ناس بتغرق من سكات
و الليل يطول و الشمس ترجع
بس مش نفس الحنين
و ثوره قامت ضد ثوره
و ناس تزور في التاريخ
في اللي راحوا بعد جوله
و في اللي ماتوا من الصريخ
ودعنا ايام حلوه جدا
و عملنا شربات م الفسيخ
ثم فجأه عيالنا تكبر
و يقولوا لنا بيوتنا فين ؟
اللي كان بيقول يابابا،
كبر عليها و قال يا حج
و اللي كانت بالضفيره،
اتحجبت و بقت تصد
و اللي كنت معاها طاير،
عَجِزت و بَـقت تـزُك
ده احنا لسه عيال يا سكر، امتي خطفتنا السنين!

 

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.