حـي حـي
زعقت و قولت حي
و لسه حي بصبر جاي
و ليل طويل اخره النهار
هي شِده و كل مُده
تهد حته بس بتكَمِل جدار
كنت فاكر عشت شاطر
حزن شاطر فرح شاطر
و اتوهمت بالانتصار
هوب جرب بحر يقلب
فين هتهرب م الحصار
خش موج و الرمل شوك
و الدمار جاب الدمار
ضلمت شمسك ف جسمك
نورت روحك تقاسمك
صحو لحظة الانفصال
قومت زاعق حي حي
هَـل فلك الرب جَـريْ
لف إيدك حبل شدك للنهار
بعد ما اتخيلت انك
ضعت منه و رامي طوبتك
بس لما الازمة جاتلك
قولت حي،
لقيته نور من قلب نار
طهرت قلبك و ربك نوره غلبك
كرمه غلبك، فضله غلبك
رجعك م الموت و ردك
و ابتدي لك سكه تانيه
و كـفّيٰ روحك الاختيار.
جريدة الفكر الحر 