الكاتب محمد جراحي يكتب دقدقـونـا


 الكاتب محمد جراحي يكتب دقدقـونـا
 دقدقونا و دقوا فوقنا
و قالوا موتنا و لم نموت
و اما فوقنا دقوا تاني
و الثواني ازاي تفوت
كل سطر و اخره نقطه
و كل عمر و آخره موت
مش هتفرق لو هترضي
يحكوا عنك بعد مُده
و لا هتحب السكوت
اللي فارق في المِـفارِق
إنه واقف ع المَـفارِق
هو وحده مع الحدود
سايب الدنيا البعيده
و السكك بانت عنيده
هو وحده مفيش ردود
لو عرفها من البدايه
انها حكايه و روايه
كان قتلها دي الغوايه
و انتهي صراع الوجود
بس كان جواه بيهرب
من شموسه لما تِقْرَب
تنحني و تنزل و تشرب
من كفوف وقت الغروب
كان ساعتها غبي و مقاوح
عارف ان الوقت رايح
و ان قلبه معدش طارح
أي فكره و أي صوت
بس برضه وقف يعافر
رغم معرفته انه سافر
و الحكايه وقت كافر
مش حابب له كمان يتوب
صد رد و جاب و وديٰ
قال طوفان و لابد يهديٰ
و ان غضب الرب عديٰ
و تتمحي كل الذنوب
بس جاله الوقت شاله
من جدوره و من مآلُه
جاب نواقصُه و جاب كمالُه
و كل شيء أكلُه السكوت
كل سطر و اخره نقطه.
كل عمر و آخره موت

 

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.