الكاتب محمد جراحي يكتب زي الوجـع


محمد جراحي يكتب  زي الوجـع
كنت قاعد مره فاضي
مع اني فاضي كل مره
بس يومها كنت راضي
كأني فالِـت مِ المَجـره
بنت عدت من قبالي
و الطبيعي مخدش بالي
جت وقالت شده بانت
بس نجمك ف العلالي
فرشت الرمل و رمت
صدف البحور و اتكلمت
ساكت و هي استسلمت
قالت بياضك ايه ياغالي
قومت رامي كل حالي
و بعض مالي و سيبتها
قولتلها ادي الليل بتاعي
و ده اغترابي و ده متاعي
و دي حكاياتي و ده دراعي
و ده اللي كان وافي و غدر
أما دي، دي عيون عنيا
و العروق اللي ف اديا
هي آخره و هي دنيا
بس في شيء بحتضر
و الحاجات دي خديها خالص
كل شيء مُدهب و خالص
و الحاجات دي كمان بناقص
بس وريني القدر
لو صحيح شاطره و ذكيه
داري في التفاصيل عليا
ضحكيني و لو لثانيه
قبل ما يحين السفر
بس لو هتقولي قولك
اللي جاي من غزل نولك
مش هسيبك غير بطولك
و انتي مش حمل الخطر
اصل سامع كل حاجه
و عمري ما خدتني اللجاجه
حتي لو بظهر سذاجه
بس فاهم في البشر
و انتي جيتي و ليه ظهرتي
و خدتي مني و ما انتظرتي
و فاكره انك لو صبرتي
هتلمعي و تحكي العبر
بس صادف اني شايف
اللي مكبوت ف الشفايف
حد مات و بيبقي خايف
لا خلاص، كان في و جبر
ردت بضحكه و لملمت
ملايتها، بعدين سلمت
قالت هتفضل تتولد
زي الوجع جوه البشر
قالت هتفضل تتولد
زي الوجع جوه البشر…
قالت هتفضل تتولد
زي الوجع جوه البشر…

1 Comment

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.