محمد جراحي يكتب بعد التحيه


محمد جراحي يكتب بعد التحيه

جواباتي الجايه جميعا هتكون للناس
الناس اللي بجد
أما ولاد الكلب بلاش
ولاد الكلب هيطلعوا مين !
علشان ميجيش واحد
لا له قيمه و لا يملي العين
و يقعد يحكي و يتفلسف
و عشان اولاد الكلب يحابي و يتنرفز
و يقول ده بيقصد مين!
و انا أقصد دول
اللي مع العايمه بعوموا
و اللي مع الرايجه تمللي يروحوا
و اللي اتعجنوا في ماية حق
و ساعة الحق مع الشياطين
ولاد الكلب إياهم
اللي استحلوا في ظلم الخلق عماهم
سموا المرعي و فسدوا الطين
هل حكموا الارض بجد! و لا محكموش
هم محكموش لكن سايقين
حبة تعابين نايمين في الخوص
طول ما الرايش و الغاب موفور
و الشط خراب و الموج واقف
و مراكب صيد الاحلام مجداف مربوط
هم في نعمه و عايشين ساكتين
و اول ما الرجلين تمشي علي طمي النيل
و تشد سواعد شياله حبال التحرير
و تحرك مايتنا الراكده و تزق الريم
و تكب الجاز الاحمر علي ورق الغاب الهايش
و تولع فيه
تلقي ولاد الكلب التعابين هاجوا عليهم
يخرجوا جماعات جماعات ، تنور بيفور
ميهاجموش الإيد المفتوله و لا الصدر الواسع
بيلفوا من الضهر المكشوف
يخطفوا عيل من حضن امه
يدبحوا بنوته بترعي اخوها و بتضمه
ياكلوا بأنيابهم عرض النسوان المستور
يبقي رجال الحق بتعلن نور الحق
و هم في بطن الليل بيدوسوا جنين النور
دولا و لاد الكلب اياهم،
اللي جميع جواباتي الجايه
زي ما قولنا.. لكل الناس
اما ولاد الكلب.. بلاش.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.