محمد جراحي يكتب بعد التحيه 1


محمد جراحي يكتب بعد التحيه 1

بدأت حياتنا علي الصراع
بين خلق وافقت بالخضوع
و خلق رفضت تبقي طوع
و خلق تالته
كنا إحنا
يا دوب عطسنا
بقي لينا أحلاف م الملايكه
و لينا أعداء من نيران
هو إيه كان مستطاع !
الكلمة كانت حد فاصل
كانت جناحات للملايكه
و للشيطان كانت قناع
و الكلمه لينا فرقتنا
– قابيل – هابيل
كلمة خطت سطر حق
و كلمة سكنت جوه قبر
و كلمة نور علي كلمة ليل
قال هابيل الكلمه حب
و أي قربان غيره ناقص
قال قابيل الحب ضعف
وانا جاي خالي من النواقص
و اما حَبْ الحُب نبت
جوه ارض هابيل و تبت
والجدور كبرت و ثبتت
و ارتضت بيه الاماكن
جه قابيل بحسد و قوه
ازاي كبرت و انا الفتوه
انا ليا ارضي زي ارضك
البذره واحده و شطي شطك
صدني و لا عمره صدك
هداياك بتصعد،
هديي ساكن!
قال هابيل ماهي دي المحبه
الكلمه دين
و التقوي رحبه
بس مين بينولها؟ صعبه
و هو عالم باللي كاين
قال قابيل
حان السكوت
هي كلمه
هتبقي موت
تنمحي بيها الحدود
و لا غيري عالأرض اللي باين
مد إيده في ضلع أعوج
كلمة جرحت
كلمة نزفت
كلمة قتلت و استقرت
بس قابلت كلمة ساكته
طالعه راضيه
راكعه ساجده
كل كلمه قصادها كلمه
و ما في شيء اتقال و ضاع
و هكذا بدأت حياتنا
قولي ايه كان مستطاع !

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.