محمد جراحي بعد التحيه 3


بعد التحيه 3 👇👇👇
بعد التحيه،
النعمه بلوي من البلاوي
و العاقل اللي يردها لله
كان قارون للنعمه غاوي
و فكرُه ضلُّه و عقله تاه
فرعون حكم و الملك دان له
و وزيره بالتضليل ملاه
و الشعب كالعادة استكان له
خليِت بُه نفسه و قال إله
الكلمة كانت – كفر نعمه –
و يا ويل من اتعود عليها
بتروح و تيجي زي نسمه
و بتخسف اللي يقول عاليها
نمرود مع الملك الكبير
جاله ابراهيم بهتُه و غلب
و موسي راح بآيات كتير
ترجع بفرعون للأدب
نمرود و قال بقتل و باحيي
و كل أمر الناس ف ايدي
فرعون زعق ده الكل تحتي
و هاتوا كل الناس ف عيدي
قال ابراهيم الشمس هاتها
من شمالها بدل يمينها
و موسي قال الخشبه حيه
و أي سحر مهوش وازنها
الأنبيا الاتنين مرفعوش السلاح
الكلمه كانت للطغاه – اذكُر –
الملك متوزع و الكبرياء لله
و زكاة نعيم الملك ده تشكُر
خدهم تكبرهم لسكه مسدوده
و اتفننوا في وأد عارهم فن
نمرود شعل ناره لجته مربوطه
و أما موسي، ساقُه القدر للـيَم
دخل الخليل النار
مكلتش غير حبله
و نبت له جوه الحريق
شجره و زرع اشم
و موسي ضربت عصاه
موج كالجبال فلقُه
و ظهر له بينهم طريق
و اهو عدي لم يتبَل
أما الطغاه وصلوا فين!؟
بقوا مضرب الأمثال
واحد نهايته بهاموشه
و التاني مات غرقان
لو كانوا قالوا أطعنا
و كل شيء لله
كانت قلوبهم هتعمر
و يدوم نعيم الله
لكن يا ناس هي كلمه
خدوا بالكو و اتذكروها
النعمه زايله و مدامها
بالشكر دايما راعوها

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.