بعد التحيه 4 يكتبها محمد جراحي


 

 

.
النص :
بعد التحيه 4 👇👇👇
جواباتي الجايه جميعا هتكون للناس
الناس اللي بجد

بعد التحيه،
الكلمه لفت ودارت
و قالت يا معين عِينّي
كان في قلوب ياما صانت
دلوقت بايعينّي
الكلمه كلمة – حق – متقاله
و يقولها مين بس إلا رجاله
متعلمين إيه الوعيد و الوعد
و الكلمه سيف مش طالعه مياله
قالها في وش الظلم
وقف الحسين ثابت
رافع رايات العلم
و علي اليقين رابط
الحكم مش بالغصب
و لا السكوت بالمال
الحكم حكمة رب
و نعدي بيها جبال
اياك تضيع الخلافه
و الامر شوري و قضاء
ولا نرضي بالذل ساعه
في مكه أو كربلاء
الورث في الملك عيبه
هيجيب علينا البلاء
الناس تبايع و ترضي
و تكون كرامه و إباء
جدي النبي سابنا واحد
و لا ساب ملك بعده فينا
و اما الحسن شاف دمارها
سابها لمعاويه و حمانا
الملك علي دم مسلم
اكبر حرام في الديانه
الكلمه صانها اللي صانها
و حماها بالروح و دمه
في خلق ركبت حصانها
و ناس بالخيانه استغموا
بايعوا الحسين بالألوف
و خرج مهاجر مسافر
و اما وصل، ناس خانوه
و سابوه بسيفه المناضل
مرجعش في الكلمه أبدا
و لا هزه حتي الخيانه
الكلمه حق و هتفضل
تتقال ليوم القيامه
نظره و مدد يا الشهيد
يا حسين يا بحر المحبه
عطشان يا راوي المريد
اسقينا من كف رحبه
الكلمه في الناس بتحيا
متموتش غير بالخنوع
كان عيسي كلمه و يحيي
و لا قبلوا يوم بالخضوع

2 Comments

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.