بعد التحيه 5 👇👇👇
جواباتي الجايه جميعا هتكون للناس
الناس اللي بجد
.
بعد التحيه،
.
يا كلمة العلم دوري
طوفي البلاد حاره حاره
زيلي سواد الجهاله
و املي العيال بالمهاره
الكلمة – علم – و هتفضل
أغلي حروف الكلام
و الشاطر اللي بيسأل
إزاي و ليه، مش بكام
بحر العلوم موجه عالي
محتاج سواعد عنيده
تتعب في طلب المعالي
بعقول جعانه و مريده
شوفوا اللي سبقونا مِنا
كام ألف عالم و كام
منهم علينا له مِنَّـه
و منهم عليه السلام
العلم خلد وجودهم
من وسط كل الأنام
العلم نور و اكتسابه
فرض و ضروره و دين
و اسأل جميع اللي سابه
عايشين ضلام السنين
يا ولادي يا عيال شقيه
اتعلموا و شيلوا رايه
هتعيشوا بين البرِيَه
فاهمين معاني الحكايه
لا تغركم دنيا فانيه
و لا ضي جاي من غيوم
يا بلادي ليه ارتضيتي
بانصاص قوالب تقوم
مين بس منهم هيقدر
يلحقنا ساعة اللزوم
جريدة الفكر الحر 