محمود مهدي يكتب قصيدة “معرفتهاش”


عدت قصادي ومشوفتهاش
أو شوفتها ومعرفتهاش
كل أللي بنا بقا ماضي فات
وسنين كتير محسبتهاش
كتر البعاد أنا قلبي مات
وضيعنا من بعض ببلاش
جوايا بيصرخ من سكات
وبقول لنفسي ليه مسألتهاش
زادت ف قلبي كتير دقات
وياريتني كنت محبيتهاش
والفراق جه بدري مستناش
ولا حتي سألنا حابين نكمل
ولا حابين نفارق ومكملناش
شوفنا بعض ف صدفة بحته
وعيني ف عينها ومتكلمناش


رجعت بيتي سهرت أفكر
إزاي وصلنا للي إحنا فيه
وبدأت أسأل نفسي وأنكر
ونفسي لو أعرف ده ليه
وازاي قلبها قدر عني يبعد
وازاي مصعبتش عليه
ضم الماضي ف إيديه
وفضل يكابر ويعند
وكان كل مرة يوعد
وفكرته بكل أللي بنا
لما جت عيني ف عنيه


الماضي قادر إنه يوجع
ويمحي كل حلو فيك
عينك دموعها بتلمع
وتوهت جواك مش لاقيك
كام مرة سألت عليك
يا ماضي تعالي وأسمع
بكايا حقيقي مش فيك
ليه ف شراييني بتقطع
ودموعي بتضحك عنيك


عادي إن عيوني تدمع
وإن أتكلم ومعرفش أجمع
وأتهز من جوة مني
ياللي جارحاني حني
ده انا قربت أضيع
دمعة من عيني تلمع
وتغير فيا سني
وبتباع مش ببيع


فاتت أيام وليالي
وعدت قدامي تاني
والمرادي عرفتها
أتهزت فيا حاجة
مش قادر ع وصفها
فا جريت قربت منها
قولت اسأل ازيها
من آخر مقابلة بنا
وأنا سهران مشتاقلها
ردت بصوت مهزوز
وقالت تمام عامل ايه
رديت قولت وحشاني
ونفسي نرجع من تاني
من يوم ما بعدتي عني
وانا سهران بعاني
ردت قالت هنرجع
سنين الفرقة بتوجع
وفجأة لاقتني بسمع
صوت المنبه ف وداني
وصحيت وانا بدمع
وعيشت فرحة لثواني


عدت قصادي مشوفتهاش
أو شوفتها ومعرفتهاش
كل أللي بنا بقاا ماضي فات
وسنين كتير محسبتهاش

معرفتهاش💔👌

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.