سلوى صبح تكتب
مقدرش أسيبها.
——————
مكانتها عندي مكانة كبيرة
لدرجة إني بكل إختصار
ما أقدرش أسيبها..
ماشي وراها بعِّد في خُطاها
أحب وأدوب وأتوه في دروبها
ومقدرش أسيبها..
لأني حبيبها وكل اللي
الكلام اللي أقوله نصيبها..
راغِبها ..
رايدها ..
بشوفها بعينا حتة دهب..
وكل اللي حواليها فالسو وحاببها
بتضحك لما بنظر إليها
لأنها فاهمة كلام العيون
ولغة التفاهم..
وقلبي اللي مايقدرشي يسيبها
وكلُه بسببها..
قوامها ..
كلامها..
عينيها..
ولون الخدود اللي وردُه طالبها
عليها ابتسامة تهز القلوب
ورفعة حاجبها.. ليها ألف احترام
تقولي كلام ..
أخاف إني أسيبها
أضيع في الدروب ..
ولا أقدرش أجيبها..
بداية كلامي..
وكل إهتمامي ..
ومصدر هيامي..
إني حبيبها..
وهي حبيبتي..
كتير إني أقولها
صباحي ومسايا
مقدرش أسيبها.
#بالعامية بيقول. مقدرش أسيبها.
بقلمي:سلوى صبح.
جريدة الفكر الحر 