إهـتـم بـيـا   تكتبها إسـراءأحـمـدالـبـكـري


إهـتـم بـيـا   
  إسـراءأحـمـدالـبـكـري

أساس الحب هو “الإهتمام”…
ولو خيروك بين إن حد يحبك وميهتمش بيك
وبين إن حد يهتم بيك بس ميقولش إنه بيحبك،
هتلاقي نفسك إنك إخترت” الإهتمام” لإن الأفعال
أهم من الكلام والإهتمام،
و”الإهتمام” هو الفعل الحقيقي للحب،
كتير هتلاقي حد بيحبك أوي وإنت متأكد من ده وكان في أول علاقتكم كان إهتمامه بيك بيزيد،
وبعد فترة…
الإهتمام ده بيقل أو بينعدم والإهمال إحتل مكانه بزيادة،
جربت تسأل نفسك إيه السبب …!!!!
السبب الوحيد لكل ده إن الطرف إللي أهملك ده خلاص ضمنك خلاص ومتعود على وجودك …
خلاص علاقتكم بقت روتين عادي في حياته …
خلاص إمتلكك، وضمن وجودك ويفضل يأجل إنه يهتم بيك لوقت تاني،علشان ضامن إنك موجود،
لو كل إنسان فكر كده وإتخيل إن الشخص إللي بيحبه وبيهمله ده…
ممكن تكون أخر مرة يشوفه فيها أو يقابله،
هيلاقي في كل مرة سابه فيها بدون ما يراضيه،
بدون ما يقوله حقك عليا، خسارة كبيرة متتعوضش
ولو يعرف أد إيه كان نفسه إنه يسمع كلمة حلوة منه،
يشوف حبه وإهتمامه بيه،
هو وبسسس،
لأنه خايف يموت من غير ما فعلاً يقوله كل حاجة كان نفسه يسمعها منه،وكل حاجة كان حاسس بيها
تجاهه كان نفسه يوصلهاله،
من غير مايقدمله إللي يستحقه يلاقي نفسه ضيع فرصته في الإهتمام باللي بيحبه،
وهيندم في وقت الندم فيه يكون مالوش لازمه،
عشان كده إهتموا باللي بتحبوهم….
مين عارف مش يمكن مستحيل من تاني تقابلوهم،
او للأبد تفقدوهم،
لو إتقالك إهتم بيا.. إسأل عليا… خليك معايا،
ماتسخرش من صاحب الرسالة دي…
لأنه فعلاً كان محتاجلك إنت، دوناً عن الملايين الباقيين حواليه،
ولو إختفى ومنع الرسالة دي عنك،
إعرف إنه فقد الأمل فيك، ومشي خلاص،
بدون رجعة..

2 Comments

  1. أكرمكم الله،
    وأعزكم،
    وحفظكم بعين،
    رعايته،،،،،

    بسم الله مشاءالله،
    من نجاح إلى نجاحات،
    مبهرة متتالية…
    المقال…
    معبر بكل المقاييس،
    لغتكم راقية،
    ثرية بالقيم المفتقدة،،،
    بالتوفيق…..

    بشرأبوعمر
    🌺🙏🌺🙏🌺

    إعجاب

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.