صفاء المنطاوي تكتب حب مع ايقاف التنفيذ


صفاء المنطاوي تكتب حب مع ايقاف التنفيذ

دخلت قلتله مينفعش نكمل خلاص تعبت
على أمل أنه بيحبها ولا يوم يفكر يبعد
كانت فاكرة أنه هيجري أوام يصالحها
ويقول لها عمري مقدر اسيبك يا حببتي
كانت الصدمة الكبيرة قالها براحتك
منتي اللي بعتي
انت بياعة وفي لحظة غدرتي
وهي يا عيني لسه بتحبه
مقدرتش تنطق بكلمة
لسانها معتش قادر يطاوعها
هي رخصت نفسها وهو مصنشِ
بس دى كان حب وإفتكرت إنه فاهمها
بس يا خسارة مصدق وقال مع السلامة
أنا زهقت من الزن وارتحت خلاص
كان عقله اللي بيحركه إنما قلبها هو اللي كان
كان بيدَّعي حبها وهو كان بيحب فيها حبها ليه
بيحب مميزاتها وأنها لعبة في أديه
عارف طبعها وازاي يتعامل معاه
بس هو زهق وعنده حق
ماهو اللي مش بيحب هيجيب تعاطف منين
وهيتحمل قد إيه ولحد فين
كسر قلبها اللي متعلق ودايب فيه
استخسر يضحي مرة ويثبت أنه شاري
وأنها جوهرة يخاف تكون يوم مش ليه
عايز يبقى سي السيد وكلامه أوامر
وهي لازم تنفذها وتبقى عامية
ولسانها ميقلش غير حاضر ونعم يا بيه
تبقى خاتم في صباعه يحركه زي ما هو عاوز
وهيفهمها انها مسيطرة عليه
خاتم يقلعه..يلبسه مش مهم
المهم أنه موجود وتحت الأمر
بس يا خسارة أنصدم أن الخاتم
طلعله لسان وبيطالب بأبسط حقوقه
فقام وهاج وقعد يكسر فيه
وياريته افتكر اللي كان والذكريات
كل اللي مركز عليه إنها باعت وبس
طب باعت منين ولا في حد في حياتها غيره
علشان يتهمها بيه ..كانت ومازالت مخلصة ليه
باعت علشان إيه ماهي هي ولا حاجة اتغيرت
في علاقتهم غير أنها زهقت ونفسها تتطلع للنور
تبقى في النهار بدل الليل هي دي جريمتها
اللي هو متعصب عليها ومش شايف الا نفسه
وهي ياعيني دموعها لسه نازلة ومضربة ع الاكل
وهو عايش حياته بياكل ويشرب ويخرج
كأنها كانت نزوة واتخلص منها خلاص
كانت عقبة ..صخرة …حاجة مرة
وانزاحت خلاص..معقولة دى كان بيحب
الحب إنك يابن الناس ترفع راسها
ومتخليهاش سيرة أو لبانه في بق الخلق
تفرح أن ضميرها صاحي وعايزة ربنا يرضى
وتنام وهي مش خايفة من ربها ولا من بكرة
لكن نقول ايه ماهي الضماير انعدمت خلاص
كل واحد فاكر نفسه ملاك وبيجيب الغلط على غيره
بس اوعى تفتكر أن ربك هيسيبك تقهر بنات الناس
كل اللي عملته هيتردلك أضعاف وهي ربنا هيعوضها
لان كل ذنبها انها حبت ووثقت وكان كل أملها
أنها ترتبط بيك قدام ربنا ثم الخلق
ودي ميزة وعمره ماكان عيب أو جريمة تتعاقب عليها
وينكسر قلبها كذا مرة م الاهمال.

 

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.