كتابين
أحمد سماعين
مختارات عبد الرحمن الأبنودي
وأنت عنيكي اسمروا من شيل الحنين
ولإنهم متكحلين
بشيء حزين
بشيء في كل عيون صحابي الطيبين
إللي في عينيهم انتظار
والليل جدار
إذا يدن الديك من عليه
يطلع نهار
( خيط حرير)
❤❤❤❤
( الطريق والأصحاب)
وابتسم قلبي الجريح
زي أي شراع في مركب يتعدل
يضحك لريح
طلعت البسمة عروق من غير ورق
بسمة مسقيةعرق
بسمة هاربة من جحيم الجرح من ليل القبور
قلب بور
هاج عليه فيضان أمل
إبتسمت
مرة تانية شالت العيدان عليها نعش جسمي
وأنا وازن فوقها همي
جر رجلي لآخر الطريق
اللي في آخره صحابي الطيبة السمحة الوفية
والنهار لابس خيوط المغ بية
إيد بيوزن بيها همه
وإيد مخبي فيها شمسه في حجر كمه
❤❤❤
لو فضلت أغني ميت ليلة طويلة
مستحيل أقدر أقول
قد إيه انت جميلة
بس لسه سراج صحابي فيه نهار
وأنا جي عشان أريح بين إيديهم بلوتي
وأطفي نار
نشفت كل الخيوط الشمس لمت غزلها
والظلال أتأوهت و اتمددت تحت الحيطان
نسمة فاتت في الشجر
زي ماتنقر ديوك باب الظلام
ويخش فجر
زي قطر
جه وخدني م المدينة أم العيون مش مسبلة
إللي كانت فيها كل المسألة
المدينة اللي بتاكل في طريقها كل حاجة
بياعين
كل ناسها بياعين
بصة الناس…المودة…بسمة الحب بتمن
❤❤❤❤
لا وصلت لا رجعت…لامنور ولامضلم
الحق قام
والكره قام
لا قمت تتكلم لا تسلم
فارقص على السلم
❤❤❤❤
ياسلام لو يتوه مني مكاني
كل ما اخرج منه للتاني
يتوه الأولاني
#مختارات
#عبدالرحمنالأبنودي
#أحمدسماعين
كتابين ❤
جريدة الفكر الحر 