مازلنا بخير
ناريمان جمال عوض
قالوا تعبنا من الدنيا
وقولنلهم مازلنا بخير
مادام لسه النفس فينا
وخفة روحنا زي الطير
ما دام في قلوبنا لسه حياة
بينبض فيها حب الغير
نظل بخير
يهون بالصبر كل عسير
وتتدبر بدون تفكير
تمطر من الغيوم تيسير
ما دمنا بخير
ووقت الصعب نتسند على الأحباب
نلاقي أيادي بتطبطب وفاتحه الباب
تحن إلينا وتداوي برغم غياب
يادوبه عتاب ومن تاني نعود أحباب
ومازلنا بخير
ما دام في قلوبنا لسه حياه
بينبض فيها حب الغير.
#ناريمان جمال عوض
جريدة الفكر الحر 