جراحي يكتب ( ارقيني)
من كتاب فايزه – اصدار الفكر الحر
.
يا واخده القلب في ضلوعك
يا سر هدوءه، و سعادته
و شربتيني افراحك
و مسكتيني مفتاحك
و انا من خيبتي، ضيعتـه
بعدت كتير و راح مني
كلام قولتيه، و لا سمعته
تعبت كتير، و خد مني
التعب راحتي، و انا اديته و ريَـحته
إذا جيـتلك
و ممـنعنـيش بياض شعري اني اتكلم
و اذا كانت تجاعيـدي هتحكي ازاي ..
أنـا و اللـه بتـألم.
ياريت متصدينـيش بكـلام
يعلمني أكون أقـويٰ
و تعتبريـني لسه رضيـع
جعان، بِـبكي، و بيْـدَوَر علي المأويٰ
و تاخدي الكلمتين مني
و ترميهم في صندوقك
و تديني بدالهم كلمتين مِنك
عليهم مِسك، من ذوقك
و تـرقـيني……
محدش تاني بقرالي بقلبه
و هو بدعيلـي
كِبـرت صحيح و بان عجزي
و مين غيرك .. يطمني
و يفضل في العطش .. نيـلي
جريدة الفكر الحر 