صفاء المنطاوي تكتب مجرد كلام


 

صفاء المنطاوي تكتب مجرد كلام

انا أقدر اكتب عن الحب قصايد بعدد شعر راسك يابيه
ايوة من غير م يبقى فى حد شاغل قلبى ودماغى كمان
التخيل والسرحان بيمهدولك كل شيء
لما تقرأ اللى كتبته هتقول دى عاشقة
وانا أضحك فى سري لأنى قدرت اوصلك إحساس مش حاسة بيه
أبكى على حالى مش افرح لأنى كل يوم بتأكد
ان المشاعر من ازاز
سهل تزيفها والكدب مخلاش للصدق فى قلوبنا مكان
موهبة احنا بنمتلكها مش أكتر
بيشجعها وينميها حب النفس
لذلك عمرى ما اقتنعت بالكلام
اقتنع أزاى وانا أستاذة فيه
قولى عايز مشاعر ايه وأنا اكتبلك عنها
وانا هبدعلك كمان كأنك انت اللى كتبت
هتستغرب لأنى وصفت شعورك بالظبط
م قولت هو ده اللى انا شاطرة فيه
صل ع النبي كده واستهدى
دى موهبة سواء عندك مشاعر أو لأ
أصلي بعشق بس ع الورق إنما فى الحقيقة مفيش حد يستاهل
اسألنى انا أصل انا عندى الحاسة السادسة
آمال بكتب منين
الحب عندى مش مجرد فعل
دى مواصلة وصبر وطولة بال
إحساس مميز ميمتلكوش أى شخص
حنية فى الشعور لما يوصلك
يطبطب عليك
من غير أى لمسة كأن الهوا بيداعب عينيك
مش شايفه ولا تقدر تمسكه بإديك
بس حاسس بيه
عمر الأفعال مكانت حب
ممكن تحب نفسك فيا لأنى برضيك مش أكتر
وانت بتستجب وتفرح
بس لما أبطل تبعد انت مش عارفة ليه
ولا اقولك انا عارفه منت متعرفش يعنى ايه حب
غير فى المسلسلات والافلام مش أكتر
وفاكر أن كل واحدة هبلة هتصدق الشعارات
لا انسي فى واحدة من مليون مختلفة
بس بتعدى بمزاجها لانها لو مشيت
عمرك ما هتعوضها وتجيب حد شبها
لأن المشاعر عندها كتلة صلبة
مش أى حد يحركها ولا يلينها
لانها بتشغل معاك كل الحواس
ولو ركزت معاك يبقى يا بختك أمك كانت بتدعيلك اكيد
أما لو فضت دماغها منك يبقى يا ويلك انت اللى جبته لنفسك
ومتلمهاش على اللى هتعمله فيك
ماهى كانت سهلة بس انت اللى صعبتها
وماشفتش إلا نفسك
والنتيجة ألم وكسر صعب يلم..

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.