الفيلم الاسباني wild tales

في الفيلم الاسباني wild tales كانت القصة

راجل وست في الطيارة مايعرفوش بعض بيتكلموا

-انتي بتشتغلي ايه

-عارضة أزياء .. وانت

-أنا ناقد موسيقي كلاسيكي

هي (متعجبة): معقولة .. أنا حبيبي السابق كان بيدرس نفس نوع الموسيقى ده

-بجد!! طب واسمه ايه؟

-لأ هو مش حد معروف

-قوليلي اسمه يمكن أكون أعرفه

-اسمه جابريال باسترناك

بتسيطر عليه حالة من الذهول

-مش ممكن .. أنا عارفه كويس .. كنت في لجنة التحكيم الخاصة بيه وطردته بسبب مستواه وتصرفاته .. ده كان أسوأ شخص شوفته

بتقوم ست خمسينية بشكل مفاجئ وتقاطعهم

-مش معقولة الصدفة دي الشخص اللى بتتكلموا عنه ده كان طالب عندى وكنت دايما بعاقبه لأن تصرفاته كانت غريبة جدا .. هو كان أسوأ شخص شوفته

بيقتحم المشهد شاب عشريني ويقاطعهم

-مش ممكن .. أنا كمان أعرف جابريال باسترناك .. كان زميلي في الدراسة وكنا دايما بنضايقه ونضحك عليه

بيتداخل راجل خمسيني وبيقول

-إيه الصدفة دي .. جابريال باسترناك كان شغال في الفندق اللى أنا بديره .. وطردته لأنه كان شخص سئ جداً

بيقوم الناقد الموسيقي في حالة من الذهول بعد كل الصدف دي وبيقول بصوت عالي

-في حاجة غريبة .. مش ممكن الصدف دي كلها .. في حد غيرنا هنا على الرحلة يعرف جابريال باسترناك؟

فجأة كل اللى على الطيارة بيرفعوا إيدهم بإنهم يعرفوه!

-الناقد بيسأل الناس: انتوا اشتريتوا تذاكر الرحلة دي بنفسكوا؟

بيرد كل واحد إن تذكرته مش هو اللى جابها وإنها جاتلهم عن طريق إما شغلهم أو ناس معرفة أو من ناس وهمية وطرق تانية مختلفة

بتدخل مضيفة الطيارة منهارة وبتقولهم وهي في حالة مزرية

-جابريال باسترناك هو قائد الطيارة دي وجمع كل اللى أذوه في حياته علشان ينتقم منهم*

-طبيب نفساني: جابريال كان بيتعالج عندي ولما زودت فلوس الجلسة اتضايق ومابقاش بيجيلي

-حبيبته: أنا خنته مع صاحبه

-شاب: أنا صاحبه اللى خنته مع حبيبته

جابريال باسترناك بيهبط بالطيارة بشكل جنوني وبيفجرها بكل الناس اللى فيها