محمد جراحي يكتب – احكيلي –
احكيلي .. احكيلي
عن نفسك من زمان
بشرط تكوني جبتيلي
ف شفايفك البرتقان
و سرسبي الحكايات
في كل ليله وعد
انا عشت بيكي حاجات
نستني طول البعد
عديتها ليكي بلاد
لا اذكُرها و لا تتعد
و لقيتك شهرزاد
قولي و عيدي كمان
احكيلي .. احكيلي
عن نفسك من زمان
بشرط تكوني جبتيلي
ف شفايفك البرتقان
يا ضحكة الترحال
يا عمر مليان فرح
يا آهـة الموال
داوي بغناكي الجرح
و طبطبي ع الروح
داوي اللي بات مجروح
عطشان و فين هيروح
اسقيه غرام و حنان
احكيلي .. احكيلي
عن نفسك من زمان
بشرط تكوني جبتيلي
ف شفايفك البرتقان
يا قمر له نور ونّاس
في ليل نجومه بعاد
انا غربتي في الناس
و كل يوم تنعاد
كوني نجوم ليلي
و ضي قناديلي
مرسايا و دليلي
لو يوم عاندني زمان
احكيلي .. احكيلي
عن نفسك من زمان
بشرط تكوني جبتيلي
ف شفايفك البرتقان
جريدة الفكر الحر 