محمد جراحي يكتب – تعالى احسب –
تعالى احسب ..
عدى علينا كام فرحة
و ضحكة بجد
هتستغرب ..
أكم من ضحكه كت جارحه
و جابت بُعد
.
كتير عملوا انهم مني و حابني
لكني بعيش وحيد تايه ف وسط الناس
و كام واحد طعَـم خيري و بنكرني
دي اصعب حاجه فـ الدنيا تكون حساس
و كام من حد كان منك
و من دمك
و خان الوعد
تعالي احسب ..
عدي علينا كام فرحه
و ضحكه بجد
هتستغرب ..
أكم من ضحكه كت جارحه
و جابت بُعد
.
سنين عدت علي اللي في حبه جنني
و دلوقتي بشوفه و زيه زي الناس
ساعات صدفه عيونه تفوت تكلمني
عيوني ترد و تقول له معدش خلاص
و ده اللي زمان
كلامه كان
بيطرح ورد
تعالي احسب ..
عدي علينا كام فرحه
و ضحكه بجد
هتستغرب ..
أكم من ضحكه كت جارحه
و جابت بُعد
