سلوى صبح تكتب بحب مصر.
————-
مصر شابة لابسة طارحة
زي نهر نيلها عذبة
أرضها لون ضفايرها
لما حد يمس وِلد
من ولادها تتقلب
زي موج البحر مالحة
أصلها من جدرها
حتى آخر ضفرها
أرض صالحة..
أم كل الناس وجدعة
حضنها يدفي الألوف
نجمها ساطع وعالي
مهما داست أرضها
أقدام ولا جه يوم..
وحطت عليها الظروف
طاهرة توبها..
توب مقدس..
من قديم الأزل ..
قال عن ولادها سيدنا النبي :
صلى ربي عليه وسلِّم
خير أجناد الأرض..
وأقول كمان:
فيها ميت ألف قصر
كل قصر كان في عصر
والأساس هو الأساس
ظل مرفوع الراس..
عالي جداً أيوة عالي
هو كان في الأصل غالي
كل ما دونه رخيص..
حِجر مصر ضمّ ناس
احتوى كل اللي خبط
يطلب العون والأمان
أخ كان في الإنسانية
ولا في الدين والعروبة
مش غريب ..ده إنسان
واسمحو لي إني أقول
بحب مصر أصلها ::
أمي اللي ربَّت..
أصلها وطني لما
أتوه ولا في يوم أتخبَّط..
بحبها وحبها ساكن
في قلبي واتحفر..
وارتبط بمصيري كبشر
بحبها واللهِ أباً عن جِداً.
#بالعامية بقول. بحب مصر.
بقلمي:سلوى صبح.
جريدة الفكر الحر 