علي إبراهيم يكتب يا ساقية


 

يا ساقية دوري
وأسقي الزرعة والطينة
خلي الأرض ترتوي
ونزرع محصول أراضينا
طلي ي ساقية على الخلا يبقي عمار
وأملي الأرض بميتك
والطين يصبح خضار
دا الأرض عطشت ي ساقية
والبهيمة ع الدبح مجبورة
والطيرة هاجرت عشها
وفاسة الفلاح مكسورة
حني علينا ي ساقية
واكسري شوية من خوفك
وافرجي عن أسيرك
وطلعي المية من جوفك
أنا عارف إن الصدي بياكل ف قلبك
وخلاص بيتهالك
كإنك بتعاقبي كل الناس
علي ظلمك وإهمالك
فاكرة العجوز اللي اتوضأ من تحتك
والمية بللت كمه
ولا الفلاح اللي حيله اتهد
وبيغسل بميتك همه
والطفل الصغير اللي زغزغتي رجليه
وأمه من جنبه فرحانه
والخضرة من حواليه
خلاص قسيتي ي ساقيه
ومحدش فارق معاكي
طب ع فكرة اللي فيكي دا مش منك
دا ربنا اللي عطاكي واداكي
قولوا معايا ي عيال
ي رب المية تاجي ي رب المية تدور
هيقولوا الجنيت وماله
بس مش هسيب أرضي تبور
قوليلي ي ساقية
لو لسه فيكي أنين
إزاي ترضي بالجفا لأرضك
وفين راح الحنين
صاحب الأرض باع
وأختار يكون عواد
وساب عزه وطينه
وسافر غريب ف بلاد
أبنك الضال نسي أصله
ورمى عمته والشال
علمونا زمان إن الأرض ذي العرض
أو كان زمان يتقال
أبنك ي بلدي سافر علي برا
ومش ناوي يرجع تاني
وأنا اللي ماسك فيكي ومتبت
اتاريكي أنتي اللي سيباني
حبيت أرضي وطينها
وهي كمان حباني
زعقت بعلو الصوت عايزك ي بلدي
وقولتي مش عيزاني..💔

3 Comments

  1. علي صاحب عمري و صديقي الجامعي و يكون اروع شخص بالقاءه الجميل بالشعر في الجامعه و حبه المفرط في تأليف الشعر و القاءه بطريقه جميله ربنا يوفقك و من نجاح لنجاح يا حبيبي ❤

    إعجاب

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.