أحمد ربيع
سجل يا تاريخ و متفسرش
و إن قامت ديقه متبعترش
لملم يا تاريخ حروف القسمه
و إحشد يا تاريخ حروف الجر
الجر مفر و القسمه مقر
و الناوى يعشق .. يعشق فى مطر
يزرع فى وطن .. يحصد فى سفر
و إن كنت معاك و ناوى هناك تلقى الحواديت
روح متجيش .. ميهمنيش
دى الغربه وتر يوجع و يزل
و الأصل بطل و الحلم أجن
و الوحده أغم و الحزن اعم على كل البشر
سجنك يا تاريخ ماله أثر غير عند الابصر ايه ما يكن
و المدرك كان ورقه وعنوان و الفن مقام و اسال مطر
و الشوف الوان دكان و وطن
سجل يا تاريخ قلب المجازيب بيدق ازاى
الطبله ازاى
الناى ازاى
جلابيه ازاى
و بيضه ازاى
وحجاب ازاى
اخضر مش ناي
قلب الكتاكيت غرقان مطر
جوا الحواديت جده وقطر
وبنت حلوه بضفيرتين
و الحى ابقى من الغضب
و التوهه ليه و هناك مفر
ليه كل ما تكبر تسأل اكتر .. غير لو كان الحق معاك
ليه كل ما تبعد تصغر اكتر .. غير لو كان البعد مليك
عيشك جواك و اصبر تلقاك .. ركنه و حباره و لقمه عيش
و كفوف مفتوحه للضمه خيش و وشوش درويش تلبس قفاطين
و طقيه ايه الأخضر ده ؟
ربيع
25 يناير 2010
جريدة الفكر الحر 