د.ابراهيم محمد ابراهيم يكتب روميو الزمان
روميو الزمان
بتغمز بعينك لبنت الجيران
حليوة مفتح روميو الزمان
شعرك مسبسب وكله دهان
لابس غويشة بايدك كمان
علبة سجاير بجيب القميص
ابسط ياناصح افرح وهيص
بقيت رجولة ولزمك تهيص
وبنت الجيران فى حبك تدوب
ده نظرة جنابك وصلت يادوب
البنت راحت لقاضى القلوب
قالت ده رمشه دوبنى دوب
روّح ياشاطر امسك كتاب
ذاكر دروسك ودرس الحساب
اختك حبيبتك مكتوبة الكتاب
واقفة ببيتكم من غير حجاب
ورمش طاير لازمه جواب
غفلة جالها من ابن الجيران
عايق حليوة وروميو الزمان
د.ابراهيم محمد ابراهيم
جريدة الفكر الحر 
جميل جدا لكن روميو موجود لكل زمان وكل مكان المشكله ان خنفسه روميو بتزيد…. جميل جدا يادكتور ابراهيم
إعجابإعجاب