محمود حامد يكتب
قصيدة ( كومبليت)
ع الشاشه يوم زفافها
كله حاضر بالتمام
وجهوا كل الدعاوى
ونسيوا العبد الهُمام
نسيت أول حب ليها
نسيت ذكريات زمان
السعاده يوم فرحها
رقصه.. ضحكه على الأغاني
نسيت أول حب ليها
قالت كان في يوم تسالي
اكتشفت يومها إني
كنت لعبه بين إيديها
أنت عمري أنت حبي
أنت قلبي ونور عيني
ويوم ما شافت بنكنوت
قالت اركن أنت.. شوية
الفلوس هي عمري
هي حبي ونور عيني
الدخول بالدعوه رسمي
والعدد كومبليت
فجأه جات لي فكرة
البلياتشو الحزين
نصف ساعه من دخولي
والأطفال فرحوا بيا
ولما عيني جات في عينها
نزلت دمعه من عنيا
يلا سيلفي يلا صورة
كله مبسوط من وجودي
اكتفيت أكون جانبها
وهو بياخد صوره ليها
كنت فاكر إني حبيبها
مش ههون في يوم عليها
اكتشفت يومها إني
انخدعت بلون عنيها
#محمودحامد
#فىحضرةالغريب
جريدة الفكر الحر 