سلوى صبح تكتب
عيدي وعيدك
————————
عيدي وعيدك.
——————
بطير م السعادة يا قلبي
في وجودك..
يا صادق ياللي تملِّي
توَّفي بوعودك..
وكداب كبير لما تغيب
وتنسى حبيبك..
وورد الخدود بترويه
بحبك وشوقك..
وسحر الوجود كله ساكِن
في روحي وروحك..
مالي إيديك مِنِّي تمام
وعارف بأني عمري ما أسيبك..
عاشق وواثق بأني حبيبتك
وقلبي في إيدك..
بغني بحبك وبعزف
بوترُه نشيدك..
ويوم أما أشوفك
ده عيدي وعيدك..
حلاوة لقانا تزيدني
جمال ووسامة تزيدك..
وحلو الكلام بدايته سلامي
عليك بحبك وأريدك..
يا معنى الرجولة وابن
الأصول وحبي نصيبك..
حكاوينا دايماً بتبدأ بكلمة
بيوحشني صوتك..
بضيع في سكوتك..
وعمر الكلام ما يخلص
ما بيننا وهل من مزيد ؟
نعم : رايحة أزيدك.
#بالعامية بقول.
بقلمي:سلوى صبح.
جريدة الفكر الحر 
❤🌸🌸🌸
إعجابإعجاب