جراحي يكتب – البعاد –
أنا عاشقك و متعذب
و مش قادر على بعادك
و مش هقدر على قلبي
لحد ما اجيكي فـي معادك
خصيمك رقتك ديا
و فرحة نظرتك ليَّ
تحني عليا، تاخديني
تقيد نار الغرام فيَّ
تجيبي عنيكي فـ عنيا
تضميها و تطفيني
يا فاكرة دموعي مبتنزلش
دموع قلبي بتملا بحور
صحيح البعد مابزلزلش
بس بعيش كما المنحور
قطع راسي البعاد و الهجر
و لا اتشاهد و لا كبّـر
و صلي عليا وقت الفجر
وقت ما كنت أنا بـسهر
مع حبيبتي
و سـابتني ..
و مش بإديها و الله
دي عايزاني و حباني
و عاشقاني
مهيش جانيه و قلبي كمان
مهوش جاني
أنا مستغرب الأيام
تملي تبان معانداني
تسيب الخلق تتمعشق
و تيجي عليا و تعاند فـ احساسي
و أنا فـ حبي أكيد أصْدَق
أكيد أكبر
و ما بشكش في اخلاصي
عشقتك عشق رباني
و بتعلم من القمره اللي عاجباني
أحب ازاي
و اغني ازاي
و ابوسها ازاي
و اقول كلمة “باحب” ازاي!
و هـي
ياروحي علي لونها
و شقاوتها
و رقة ضحكها الهادي
بتسحرني و تأسرني
و تهبلني
و بعذابها انا راضي
هويت لون خدها الوردي
و لون شقاوتها و عينيها
مقامها فوق
حدود ادراكي او فهمي
و لما بشوفها بنسي الناس
و اسيب همي
عيونها لما بتبوسني
بتعمل مني طير بجناح
في قعداتها و حكاويها
بترسمني حصان رماح
أشيلها بسحرها فوقي
و اسير بين البلاد سواح
أجيب لعنيها أجمل كحل
و فوق شفايفها روچ عشقي
اشرشب دمي فوق الأرض
و أَجَـرِي عشقها ف عِرقي
و لكن في البعاد ازاي
أنام على فرشتي مرتاح ؟
جريدة الفكر الحر 
شكرا جريدة الكفر الحر ♥️
إعجابإعجاب