د.ابراهيم محمد ابراهيم
يكتب
قصيدة : حبيب الخيال
نويت أكتب كلام شغلنى حيّرنى
جبت ورقى وقلمى والفكر توهنى
بدأ قلمى بحب على الورق يجرى
خط البداية إحتار و سكت قلمى
حَط نقط لحروف رسمها مستنى
هز يمين وشمال خاف وحذرنى
ضاع الحرف و المعنى هرب منى
أكتب لمين الكلام ومين هيفهمنى
سرح الخيال لبعيد وامتلك فكرى
هأكتب حكايتى عن قريب فاتنى
داس المعانى ونسى البعيد ألمى
قطع الوصال وزاد بالهموم همى
ظن منافعه بجوارى وإنها شأنى
ويوم ماقلت الآه ما وقف جنبى
والا حبيب الخيال فى صبا عمرى
لا يوم عرفته ولا سمع كلام منى
ولا مرة شفته ولا فات على ظنى
رسم قلوب فى الهوا حسبتها عنى
زهور كما العصافير طايرة بتغنى
بعد سلام أولى احتار دليل قلبى
وأنا نسيت القريب والخيال فاتنى
د.ابراهيم محمد ابراهيم
جريدة الفكر الحر 
🌸🌸🌸
إعجابإعجاب