كتاب أشهر أزجال بيرم التونسي تقرؤه لكم نهاد كراره

أشهر أزجال
بيرم التونسي
160 صفحة
مجموعة مميزة من أزجال بيرم التونسي
لم يدرج تعريف أو مقدمة للكاتب في الكتاب لكنني فضلت أن أخبركم القليل عنه
محمود محمد مصطفى بيرم الحريري و الشهير ببيرم التونسي
ولد23 مارس1893
وتوفي 5 يناير 1961
مصري بأصول تونسية ولد في الإسكندرية
في بدايات شبابه ارتبط فنيا بسيد درويش ونتج مجموعة من الأغاني الجميلة
ثم دخل عالم الصحافة وأنشأ جريدة المسلة ثم عمل بعدة صحف وبعدها تم نفيه من مصر لتونس ومن تونس لباريس لينطلق في عالم الزجل ويبدع أكثر
على مايبدو الألم يزيد الإبداع
بعد ثورة 1952 وتحديدا عام 1954 حصل على الجنسية المصرية
وتم تكريمة قبل وفاته عام 1961 بمنحه جائزة الدولة التقديرية من الرئيس جمال عبد الناصر ثم توفي 1961 بعد معاناته من الربو
قدم العديد من المسرحيات الغنايية والأغاني وتعاون مع كبار المطربين في حينها
مثل أم كلثوم فريد الأطرش، أسمهان، شادية، محمد فوزي، نور الهدى، وغيرهم
تتميز أعماله بأنها
بسيطة وعميقة وتمنحك الغرض من كتابتها مباشرة
وإن كان الكتاب لم يطرح معظم الأزجال المشهورة له
فاقتبست لكم عدة منها وقد لا تجدونها كلها داخل الكتاب
اقتباسات
❤
هو صحيح الهوى غلاب ما عرفش انا
والهجر قالوا مرار وعذاب واليوم بسنة
جاني الهوى من غير مواعيد وكل مادا حلاوته تزيد
ما أحسبش يوم ح ياخذني بعيد
يمني قلبي بالأفراح
وارجع وقلبي كله جراح
إزاي يا تري ؟
أهو ده اللي جرى!
وانا ما عرفش
نظره وكنت أحسبها سلام وتمر قوام!
أتاري فيها وعود وعهود وصدود وآلام !
وعود لاتصدق ولا تنصان
عهود مع اللي مالوش أمان
صبر على ذله وحرمان
وبدال ما اقول حرمت خلاص
أقول يارب زدني كمان
إزاي يا تري ؟
أهوه ده اللي جرى!
وانا ما عرفش
يا قلبي آه
الحب آه
أشجان والم
واندم واتوب
وعلى المكتوب
ما يفدش ندم
يا ريت أنا أقدر أختار
ولا كنت اعيش بين جنة ونار
نهاري ليل وليلي نهار
أهل الهوى وصفوا لى دواه
لقيت دواه زود في أساه
إزاي يا تري ؟
أهو ده اللي جرى!
وانا ما عرفش
❤❤❤❤❤
قال: إيه مراد ابن آدم؟
قلت له: طقه
قال: إيه يكفي منامه؟
قلت له: شقّه
قال: إيه يعجّل بموته؟
قلت له: زقه
قال: حـد فيها مخلّد؟
قلت له: لأه
قال لي: ما دام ابن آدم بالصفات دي
نويت أحفظ صفات ابن آدم كل ما اترقى.

❤❤❤❤❤
من هفوه أو كلمه هايفه نتحمق ونقوم
نسب وندب ويقوم العراك بالشوم
وكل محموق وليه فرقه تقوم بهجوم
من قبل ما تعرف الظالم من المظلوم
ومنين نشوف العدل واللا السفينه تعوم
مادمنا فوق قلبها قاعدين لبعض خصوم
تضحك علينا الحدادى فى السما والبوم
❤❤❤❤❤

قال: إيه مراد ابن آدم؟
قلت له: طقه
قال: إيه يكفي منامه؟
قلت له: شقّه
قال: إيه يعجّل بموته؟
قلت له: زقه
قال: حـد فيها مخلّد؟
قلت له: لأه
قال لي: ما دام ابن آدم بالصفات دي
نويت أحفظ صفات ابن آدم كل ما اترقى.

❤❤❤❤❤

من هفوه أو كلمه هايفه نتحمق ونقوم
نسب وندب ويقوم العراك بالشوم
وكل محموق وليه فرقه تقوم بهجوم
من قبل ما تعرف الظالم من المظلوم
ومنين نشوف العدل واللا السفينه تعوم
مادمنا فوق قلبها قاعدين لبعض خصوم
تضحك علينا الحدادى فى السما والبوم

❤❤❤❤❤

يا شرق فيك جو منور… والفكر ضلام
وفيك حراره يا خساره… وبرود اجسام
فيك تسعميت مليون زلمه… لكن اغنام
لا بالمسيح عرفوا مقامهم… ولا بالاسلام
هي الشموس بتخلي الروس… كداهو بدنجان؟

❤❤❤❤❤

باريس تقول قصّروا الفساتين نقصرها
ترجع تقول طّولوا حالاً نجرجرها
و في الشتا – قوّروا القمصان نقورها
و في الصيف زرّروا الأرّوا نزررها

و تقول باريس أحلقوا الشنبات ، نحلقها
و تقول لنا الدقن مودة اليوم ، نلزقها
و تقول لنا استعملوا الشورتات ، نسبقها
و تقول كمان اقلعوا الطرابيش ، نكعورها

و تقول ((فيينا)) ارقصوا نحيّ ليالينا
و تقول ((موناكو)) العبوا نفتح نوادينا
و تقول ((جلاسجو)) اشربوا،نسكرلهاطينة
و الخمرة قال مش حرام و الجوزة نكسرها

عميان و عايزين لنا مجانين تسحبنا
و لو يخوضوا بنا الأوحال يعجبنا
مين شاف خلافنا أمم بتحب جزارها

يارب تسلم باريس و تصوم وتصلي
و تكون موضتها سبح ولاّ طرح تلي
عشان ما تصبح سعاد وأم الهنا و نيللي
غير ربنا ذو الجلال ما يشوفش ضوفرها

❤❤❤❤❤

في الطريق

أربع عساكر جبابرة يفتحوا برلين

ساحبين بتاعة حلاوة جاية من شربين

شايله على كتفها عيل عنيه وارمين

و الصاج على مخها يرقص شمال و يمين

إيه الحكايةيا بيه ؟ جال خالفت الجوانين ؟

إشمعنى مليون حرامى فى البلد سارحين

يمزعوا فى الجيوب و يفتحوا الدكاكين ؟

أسأل وزير الشئون و لا أكلم مين

بيرم التونسي, المجموعة الكاملة لشاعر الشعب: بيرم التونسي

❤❤❤❤❤

هو صحيح الهوى غلاب ما عرفش انا
والهجر قالوا مرار وعذاب واليوم بسنة
جاني الهوى من غير مواعيد وكل مادا حلاوته تزيد
ما أحسبش يوم ح ياخذني بعيد
يمني قلبي بالأفراح
وارجع وقلبي كله جراح
إزاي يا تري ؟
أهو ده اللي جرى!
وانا ما عرفش
نظره وكنت أحسبها سلام وتمر قوام!
أتاري فيها وعود وعهود وصدود وآلام !
وعود لاتصدق ولا تنصان
عهود مع اللي مالوش أمان
صبر على ذله وحرمان
وبدال ما اقول حرمت خلاص
أقول يارب زدني كمان
إزاي يا تري ؟
أهوه ده اللي جرى!
وانا ما عرفش
يا قلبي آه
الحب آه
أشجان والم
واندم واتوب
وعلى المكتوب
ما يفدش ندم
يا ريت أنا أقدر أختار
ولا كنت اعيش بين جنة ونار
نهاري ليل وليلي نهار
أهل الهوى وصفوا لى دواه
لقيت دواه زود في أساه
إزاي يا تري ؟
أهو ده اللي جرى!
وانا ما عرفش
❤❤❤❤❤

يااهل المغنى دماغنا وجعنا

دقيقه سكوت لله

داحنا شبعنا كلام ماله معنى

ياليل وياعين ويااّه

طلعت موضه غصون وبلابل

شابط فيها حزين

شاكى وباكى وقال موش عارف

يشكى ويبكى لمين

واللى جابت له الداء والكافيه

طرشه ماهش سامعاه

يااهل المغنى دماغنا وجعنا

دقيقه سكوت لله
❤❤❤❤❤
يا مصري و انت اللي هاممني من دون الكل
هزيل و يحسبك الجاهل عيان بالسل
من دي الكيوف اللي تصبر على كتر الذل
و نمت و العالم فايق قوم بص و طل
و شوف الشعوب و اتغص و دوب و ارجع إنسان

 

❤❤❤❤❤

هاتجن يا ريت يا خوانا ما رحتش لندن ولا باريس
دى بلاد تمدين و نضافه و ذوق و لطافه و حاجه تغيز
ما لقتش جدع متعافى و حافى و ماشى يقشر خص
ولا شاب مشمرخ افندى معاه عود خلفه و نازل مص
و لا لب اسمر و سودانى وحمص و انزل يا تقزقيز
حاتجن يا ريت يا خوانا ما رحتش لندن ولا باريس