الكاتب محمد جـراحـي يكتب – مسؤول أنا عنك –
مسؤول أنا عنك
شايلك على كفوفي
طلعت فوق نخلك
و نسيت أنا خوفي
و ازاي هتتغربي
و قلبي وطن سايعك
الشمس فيه الأمان
و في الأمان طوفي
و شوفي مين يقدر
يجمع لك الأحلام
يسبق خُطى فِكرِك
و يشوف سنين قُدّام
و إن جَت سنينك تهِينك
و تشرَّبِك وحدة
يبدر هواه فيها
يطرح بها بستان
مين اللي زيي في الهوى
أو زاد عليا فـ صبر
مين اللي خد قلبك لقلبه
و زاد في عمرك عمر
أنا اللي دايما ليكي
كنت عاشق بـ امتياز
راسمك ف عيني قمر
سهران معاه للفجر
يا ضحكتك رني
يا نظرتك حني
يا شمس طُلي
من ع الجبين و الخد
صبرك على صبري
قلبك على قلبي
حضنك بقى فـ حضني
شيلي ليالي البُعد
ده أنا كنت متعذب
و القرب كان مركب
كل اأا أجيه يبعد
لأنـي من غير بحر
و لما حبيتك
جيتي ما صديتك
و بغنوة غنيتك
بكلام مقلهوش حد
و لحد ما تسلمي
إني الوحيد ليكي
و اني زرعت الحنان
و الطرح كان فيكي
و لحد ما خدودك
تنام على كفوفي
يقف كلامي في الهوى
و وصفي لعنيكي.
جريدة الفكر الحر 