(هدنة مع الحياة )
عِشْ اللي باقي من حياتك
واِنْسَ خلاص كل اللي فاتك
اعقدها هدنة مع الحياة
وامحُ الأليم من ذكرياتك
ابتسم وافرح وطير
اعلُ ورفرف بجناحاتك
حررلي قلبك من قيوده
وابنِ مجدك من رفاتك
اكتب حياة وارسم طريق
حدد هنا في آخره نجاتك
اصرخ ونادي بأعلى صوت
جيلك يافرح اظبط ساعاتك
ولو في يوم طالت الساعات
والوقت مات ويا السكات
اصمد قوي واظهر ثباتك
واصبر لحد ما يجي يوم
تشرق شموس تمحي العبوس
انشط وصحصح من سُباتك
ازرع أمل تحصد حياة
دندنها ردد ترنيماتك
ادعُ بيقين وارضِ الإله
وعِش عزيز حتى مماتك.
ناريمان جمال تكتب هدنة مع الحياة
جريدة الفكر الحر 