جراحي يكتب ( الحلم )


جراحي يكتب ( الحلم )
.

.

طول عمره كان ابن موت
عايش و مستني يرحل
كان حلم ضد السكوت
بس الكسوف طينُه أوحَل
قَيِّـد جناحه المرفرف
و نتف له ريشه و رماه
و كتم كلامه فـ أنيـنُه
و زرع سكوته و رواه
عاش زي ليل طال و بوَّخ
مفيهوش ريحة الحياه
لا استني يوم ضيّـه يظهر
و لا كَف يحضن هواه
بكره اللي كان فيه مزَهّـر
قتلـه و مرحناش عزاه
ايه يعني حلم ابتديـته ،
قتلوه و معرفش يِكْـمَل
طول عمره كان ابن موت،
عايش و مستني يرحل

نحروك يا قلبي الودود
يوم حلوا لحمك و دمك
غدروك ف ساعة سجود
و اتغنوا بعدك بسعدك
قالوا ده مات موتَه حلوه
ساجد و بيصلي فرضُه
مقالوش بسكينة بارده
مِشيِت كما الفيل ف جِلده
و لا قالوا كِيف عذبوه
و لا قالوا ليه خانوا عهده
و اتنكّـروا لـ عز ابوه
و لـ عمه و لـ حد جده
لا كأنه منهم و فيهم
و لا فرحوا بيه يوم ولادته
قتلوه و عينهم ف عينه
و بعينه ملحقش يسأل
طول عمره كان ابن موت
عايش و مستني يرحل

مرحوم يا حلم المحبه
مكلوم يا حق ف ولادك
الخير له موكب و عدّي
خَـد في الرِكاب كُل زادَك
و معدش ليك إلا اسمك
و نفوك يا حق ف بلادك
وحدك تعاني و وحدك
مصلوب عشان كبرياءك
تعلن بصوتك و صبرك
عن حلم ينشر جمالك
و وقفت تحلم ببكره
و الحلم مقدرش يكمل
طول عمره كان ابن موت
عايش و مستني يرحل

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.