الشخص المؤذي

الشخص المؤذي غالبا بيكون شخص نرجسي محب لنفسه و تفاصيله بيتكلم عن نفسه كتير من غير ماينتظر كلامك عن نفسك أو من غير اهتمام أنه يسألك عن حياتك و طموحاتك و أفكارك وأنت عاوز إيه لأنها ديما لا تعنيه وديما كأنه فخر البلاد والعباد ومفيش زيه أي شخص على الكره الأرضية وأنت تحمد ربنا أنك تعرفه أو على علاقةبيه

الشخص المؤذي عمره مابيشوف نفسه مؤذي هو ديما شايف نفسه على حق وأنه جميل وشاطر وطيب ومفيش منه أتنين والعيب فيك وفي تفكيرك العيب فيكم وفي حبايبكم أما هو فياروحي عليه وأي أذى هتشوفه منه وتزعل وتتأثر هينفيه ويستغرب ويحوله ضدك ويتهمك أن أنت اللي أذيته ويشكك في نواياك الخاصة

الشخص المؤذي بيضخم أي غلط منك ويضخم رد فعله تجاه الغلط دا ويصغر كل غلطاته هو في حقك و يمحيها فديما هتلاقي نفسك غلطان في حقه وهو مظلوم معاك وهيقنعك أنت واللي حواليكم بكدا بكل بساطة

الشخص المؤذي مش لازم يكون ضربك عشان يأذيك لكن أذاه بيكون أعنف من الضرب عشان أذاه بيكون نفسي بيضرب في أعمق حتة في نفسيتك ويكسرها ويكسرك وينفي دا ويغيره بأنه عاوز الأحسن لك و عاوزك تكون أفضل لأن أنت فيك حاجات كتير محتاجة تتغير

الشخص المؤذي مالوش عزيز ولاغالي فبالتالي مهما دخلت حياته وحبيته أو قالك أنه بيحبك
فأنت ديما بالنسباله صفر سهل يستغنى عنك في ثانية وسهل يتحول و يشوفلك بديل لأنك مش مهم هو بس المهم ومن بعده الطوفان
ولو كان قريبك مش حبيب فنفس المنطق

الشخص المؤذي ديما هيقنعك أنك وحش
الشخص المؤذي هيستغل أي حاجة حكيتهاله عن نفسك ومشاكلك أو صدماتك القديمة عشان يفسر أفعالك من خلالها كل مايحصل حاجة هيقولك عشان حصل زمان لك كذا أو أنت فعلا كذا فيأكد كل الحاجات السلبية فيك

الشخص المؤذي شخص ذكي و مابيصدق يحصل حاجة عشان يقولك أنت مؤذي أنت فيك عيوب كذا وكذا أنت مبتفهمش المهم هو صح وهو بيفهم وهو بمخ وأنت بمهلبية في دماغك

الشخص المؤذي بيحاول يكسرثقتك بنفسك بطرق ملتوية لو أنت ناجح هيشكك في نجاحك و يقلل منه لو موهوب هيقلل من موهبتك ويحسسك أنك مالكش موهبة ويغير من نجاحك فيحسسك أنه عادي مش سبب فخر لكن لو هو عطس هيحسسك أنه إنجاز لازم تحتفل بيه

الشخص المؤذي بيبان للي متعاملش معاهم عن قرب وقرب دي مش يعني أصحابه لا تعني علاقة عاطفية أو حتى مادية في شغل خد وهات أو نسب جواز وارتباط وحب
لأن أغلب العلاقات العامة ممكن متكتشفش فيها المؤذي لأنه مش بيبين دا للجميع بس بيبان للجميع بأنه سوي وطيب وشخصية حلوة يعتمد عليها لازم طبعاعشان يكسب تعاطف الناس و دعمهم ويوقع الضحايا الجديدةاللي هيعيش على أذاهم فترة ولمايزهق يبدلهم بدون مايهتم عمل فيهم إيه

الشخص المؤذي بيبرر لك كل أذاه تجاهك بأنه بيحبك أو أنه عاوز يصلحك أو أنك السبب اللي خلاه يعمل كدا عشان أنت تعاملك وحش و صعب

الشخص المؤذي بيتلاعب بيك وبنفسيتك خصوصا لو كنتم مرتبطين فيقرب شوية ويغرقك عواطف ويبعدشوية ويسيبك تحزن ويفرح أوي لمايلاقيك حزين أول ماتفوق ويشوفك بدأت تتغلب على غيابه أو بدأت تخرج من دايرة سيطرته على عواطفك أو مخك يرجع لك تاني يشدك عشان يلففك في نفس دايرة الأذى ويتغذى على عواطفك

الشخص المؤذي بيستغل مشاعرك تجاهه هيستغلها بأي طريقة هتناسبه وتناسب شخصيته واحتياجاته هيستغلك عاطفيا أو هيتحرش بيك بالتدريج لو في بينكم علاقة عاطفية أو هيستغلك ماديا لو علاقتكم شغل وصداقة و يسحب منك فلوس أو هيستغلك في شغلك ويخليك تعمل شغله أو كل دا لو كنتم أزواج المهم يكسب من وراك تبع شخصيته واحتياجاته.

الشخص المؤذي بيكون من الصعب التخلص منه ومن سيطرته جواك عشان بيبقى دارسك كويس فبيبقى زي السرطان جواك متشعب في كل حاجةفي تفاصيلك وسايب جزء منه جوا كل أفكارك لحد ماتتصور أن صعب التخلص منه وممكن تفضل تدور في دايرته للأبد وأنت فاكر أن دا حب زياد له وممكن تلاقي غيرك كمان بيدور في نفس الدايرة في نفس الوقت وأنت فاكر أنك الوحيد جواه لكن هو بيدور ازاي يستغل ويستخدم أكبر قدرمن اللي حواليه في اشباع احتياجاته المختلفة

الشخص المؤذي مش عاوز يتحمل مسؤلية وديمايحسسك أن عنده مسؤليات وحاجات صعبة وأنت اللي شخص فاضي و هايف مش فاهم همومه و ضغوطه وديما ضاغطه نفسيا ومش قدره

الشخص المؤذي ممكن يكون حبيب صديق أخ أختأي حد من الأهل
ممكن تلاقي كل الصفات في شخص وممكن شويةمنهم بس وممكن أكتر من كدا ❤