صفاء المنطاوي تكتب كل شيء بقى بالمقلوب


صفاء المنطاوي تكتب كل شيء بقى بالمقلوب

أنا ايه ذنبي
كان نفسي أتحب
كانت أمنيتي إني الاقى الحنان
شخص يحبني من قلبه
يراعي ربنا فيا
يحضن مواجعي
ويشيل عني الهموم
أحس معاه بالأمان
لما أبصله أشوف راجل حنون
أحس إني عنده أول وآخر الحريم
ميقعدش يأنب فيا لما اتصرف بعفوية
ميحجرش على مشاعري
يسبني اتصرف بحرية
ميخفش من القيل والقال
يغير لو اهتم بحد غيره
مش هو اللي يقولي كلمي ولا يهمك
في أي موقف يصدرني أنا
وهو يطلع نفسه مبيغلطش
ميعملش الحمل الوديع قدام الناس
وهو في السر زير
يخاف من الخالق وبس
مش كل اللي يهمه رأي الناس فيه
اي مشكلة الاقيه أسد
مش فار وعمال يرتعش
أو يقع في الأرض ويعمل مريض
وأنا اللي أشيل الليلة
وأكتم قهرتي علشان ميقعش وأشيل الذنب
كان نفسي ف راجل بمعنى الكلمة
يبقى سد منيع وقوي يتعمله ألف حساب
أبقى كل دنيته وأسراره ليا بس
كان نفسي لما أنام أنام بعمق
لاني بوجوده مش شايلة هم
عارفة إن ورايا حيطة سد
هتصد عني وتحجب علشان أنا متكدرش
مبيعدش عليا الاكل او يستخسره فيا
منا ست بيت مش امرأة عاملة
يعني مبدخلش قرش
ما الحال انقلب وبيقينا ماشين بالدخل
والشريعة مركونة على الرف

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.