سلوى صبح تكتب
على وتر الحنين

—————————

على وتر الحنين
———————
أنا مجرد ناي حزين..
مليان أنين..
بعزِف على وتر الحنين..
صوتُه شرخ..
ناقصه فرح..
دق قلبه دقتين..
دقه عاشها لحظة حلوة..
ودقة ضاعت من سنين..
والحياة لعبت معاه لعبتين..
لعبة قاسية..
ولعبة ناسية..
إن عمره يا دوب ثانيتين..
لازم يُحِب عشان يعيش..
ويدوق مرار الفرق..
وبُكاء العاشِقين..
قد إيه شوقه بيقهر..
وعمر قلبه في يوم ما يغفِر..
ولا يبطل أنين..
أصل عشقه كان ماليه..
وما قدِر حد يداويه..
آه يا مسكين!
هتعيش حزين على أمل..
إن هواك يرجع إليك..
وتعيش معاه باقي الحياة..
حتى لو كانت يومين..
بس أحلى من سنين..

بالعامية بقول.

بقلمي:سلوى صبح.