سلوى صبح تكتب
ألف وِش جوة قلبي
———————-

ألف وِش جوة قلبي
————————
ألف وِش جوة قلبي..
جوة قلبي ألف صوت..
وِش مش بيعرف يغِش
ووش حُزنه زي الْمَوْت..
وش تاهت فيه البراءة..
ووش بيحب ويموت..
وش كان عايز يعيش..
ووش وجعه اخطبوط..
وِش كان صادق حنين..
ووش قاسي وجبروت..
وِش طالب للسعادة
ووِش موته في السكوت..
وِش طفل صوته فرحة
ووش كان زي الطاغوت..
والغريبة في كل وِش
صوت بيصرخ م الألم
نفسه حد يسمعه
أصله عايش في تابوت..
يوم ورا يوم يفوت
وأنا من الآخِر بموت..
قلبي مرسوم على وشي
حلمه يُخرج من السكوت
هو كان طالب يعيش
جوه حِلمه اللي بيموت..

بالعامية بقول.

بقلمي:سلوى صبح.

من وحي الصورة للفنانة إسراء الفيومي❤️