سلوى صبح تكتب
لأ متخافش

——————

لأ متخافش
—————-
اوعى في يوم الحزن يهزك
يمكن فرحة تنور عمرك
ولا تحزنش
لأ متخافش..
مهما الليل بيمد قلوعة
مهما الخوف عشش في قلوبنا
ما بنيأسش..
لأ متخافش..
دقنا المُر وصابرين جدًا
عدَّى الصعب وأصعب منه
ما بنتعبش..
لأ متخافش..
تيجي الفرحة تقرب منا
تمسح كل وجع جوانا
ولا نغلبش ..
لأ ما تخافش..
بكرة بقولك يجبر خاطرك
بكرة تشوف السعد في عمرك
ولا تزهقش
لأ متخافش..
اوعى يجرك شئ بيضُرك
اوعى تسيب روحك ترضح له
ما تستسلمش
لأ متخافش..
مد إيديك للدنيا وسابق
قطر حياتك دائماً سابق
اجري وراه حاول توصل له
ولاتخضعش ..
لأ متخافش..