سلوى صبح تكتب
نسمة صيف

———————

نسمة صيف
—————-
زي نسمة صيف رقيقة
عدَّى حُبك ..
زي روح صافية وجميلة
كان لي قلبك..
عارف إنتَ يعني إيه
وسط كل الناس تبقى لوحدك؟؟
عارف إنتَ يعني إيه تحس غُربة
وسط أهلك؟؟
جيت لي فجأة..
دق قلبي…
دقة جامدة..
وفتح لك!
وكإني كنت حالفة
عمري ما افتح قلبي تاني
إلا ليك!!
وابتدا حبي يزيد
بكل نظرة من عينيك..
نظرة تانية صح ثانية
بس كانت عُمر تاني
ابتدى وإنتَ الشِريك..
قلبي قالي …
هبقى ليك..
ليك عشان..
إنتِ سلام روحي اللي غايبة
من زمان ..
ليك عشان أنا ليك
البداية والنهاية..
همسح ماضيك..
حُبي ليك خلاك ملاك
شال غشاوة من عينيك..
وبقيت إنسان جديد
زي نسمة صيف بتمسح
دمع قلبي..
نعمة غالية من عند ربي..
ورسمت نبض حُبي
بإيديك..
وبصراحة…
قلبي طاوعك
وأعاهدك يا حبيبي إنِّي ليك.

بالعامية بقول.

بقلمي:سلوى صبح.