سلوى صبح تكتب في غِيابِك


سلوى صبح تكتب
في غِيابِك

———————

في غِيابِك
————-
في غِيابِك الدنيا ليل
ضلمة وقلبي عتمة..
ما فيهشي طاقة نور..
ولا طالِع له نهار..
في غِيابِك عمري غار
كله صخور مفروش بالأحجار
وروحي تايهه جوه سراديبه
وعقلي محتار..
في غِيابِك روحي شاردة
ومليون حاجة ناقصة
ونفسي في فرصة أشوفك بيها
يمكن أكمل المشوار..
مشوار حياتي بدونِك لغز
ما لهوش حل غير بيكي
وأجيبك منين مهما ناديت
صوتي ها يجي وقت وينهار..
ما حبتشي غِيرك أكيد
عشان إنتي حُبي الوحيد
ولكن نصيبنا حكم
إن بيني وبينك سِتار..
أنا بشر بيحِب
عمري بيجري وراكي
تعبت من جريه
يا هل ترى امتى قطر الحياة
هيقف في محطة شوقك
وتتقابل قلوبنا
ونفرح بطلوع النهار ؟
وأضمك بعينيا ضمة
وأقولك يا حبيبتي لمَّا
غِبتي عنِّي قد إيه كان صعب عليا
أتنفسُ هوا غير هواكي
وأعيش من غير لُقاكي
ده الدُنيا في بُعدِك شقّا
وعمري كله فداكي
يا أجمل ما قلبي اختار..

بالعامية بقول.

بقلمي:سلوى صبح.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.