مروة الشريف تكتب مج اللاتيه


“مَج اللاتيه”
لسه المكان…..
مَسكُون كما هو
بيدُق وبقوة
دوشة خطاوي المجروحين
تنزف وجع..تنزف أنين
كان ليه بنختار دَربِنا
وسط الحيارى السهرانين
في الركن وفي أقصى اليمين
مج اللاتيه
والست سومه
ودموع بتنزل من عنيه
“واحب تاني ليه واعمل في حبك إيه”
أنا كنت باقي كتير عليكي
سيبتيني ليه
هو أنتِ ليه دايما قرارك بعدنا
اختارتي ليه دايما تهِدِي دَربِنا
ليه الوجع أقرب صديق بيضُمنا
ليه القرنفل خان وعودنا وحلمنا
أنا لسه فاكر
في اللقا قبل الوداع
صرخة وجعنا في صمتنا
وسلامنا خايف مننا
خايف يطاوع كدبنا
نطقت شفايفك شيء يخالف
اللي ساكن قلبنا
بتقولِي أنسى..
وبكل قسوة وهبها ليها ربنا
بتقولي حَبة وقت
وتعدي السنين
ولا أكنك في يوم اشتاقت
اكنها سهرة عيشناها
وسرقنا الوقت
“أنساك ده كلام .أنساك يا سلام”
كان يومها مايو
لسه بيبدأ يبتدي الأيام
دخلت عليا
وأنا قلبي نبتة
بدأت تشتهي الأحلام
قالت سلام
رديت بكل ما فيا من أنغام
وبدأنا أول سطر
في حكاية..
السندريلا وفارس الشطآن
إيه اللي خلى الموج عِلي
خلى السفينة تتمِلِي
بضباب يسد طريقها من قُدام
تنهيده كان عالي
حَرَك فكري وخيالي
كان ليه بنعشق
لما احنا مِش حِمل الفراق
ده باينه كاس
والكل منه في دربه داق
هوه اللاتيه
السِر كله في اللاتيه
والست سومه
قَلِبِت كل المواجع
من جديد تاني عليه

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.