أحمد ربيع
شأشأ شقاوة شأشأت من روحي
نبذه وغلاوه اسمع لمين يوحي
عهد وعاهدنا جايلك يا سيدنا
درويش مطأطأ على أد سره
بس الخلاصه والقول في سرك
عاهدت نفسي
أصل الحكايه..
هقولك
لا الضحك أصبح ضحكي ولا بكايا
لا البوح رواني ولا النوح دوايا
يا أرض وسما ضمي
لمي حبات الندى لمي مجدك العالي
لمي اللي انفرط من الوجع ع إللى إندفن من القهر
ورينا معجزه
شايل فيا حواديت
قسمتني رفوف
دفاتر
أقلام
مناقل
براجل
ألوان
كتب
بني آدمين
أحوال
مشاكل
مناقر
هموم
أفراح
تاريخ وحقيقه
عديت أنا بمجداف الموج لطم فيا خبطت أنا في صخره
لا اللي فوق شافوني ولا اللي تحت سمعوني
الموج غطاني
وصبحت أنا مرايه
للشمس عاكسه الضي
ربيع
جريدة الفكر الحر 