ثم إني مش عارفني
لكن..
ولحسن ظني
قابلت أمي عند الكبابجي
بتجيب بواقي للكلب تيفا
والقلب زعرد..
هاكل ريش وياها نيفا
لكن البت بيچا
سارحه بكبده وسجق بلدي
والعم چورچ بياع أراري
شاف اللي كان قبل الآوان
لكن مولانا..
مولانا شيحه
كشف المعون
وبمدده خدنا للنعيم
ضريح ودوشة
ساحه غرقانه..
تواشيح ونور
طرت مني أدام عنيا
قالوا مدد
قالوا هبل
قالوا ولي
قالوا نصاب وده الدليل
والعمر ضاع
والطير ما سبني
وضعت مني
ونسيت حياتي
ونسيت حكايتي
لكن لقدري
قابلت أمي
عند الكبابجي
إنچي مطاوع تكتب ثم إني
جريدة الفكر الحر 