مش حنين بالكلام
في الفعل أصله بيبان
إن كان اتربى صح
ولا مجرد إسم
في الشدة سند وضهر
في العِيشة مش بخيل
تنامي مش شايلة هم
لان حقك عمره ما هيضيع
لو انت على حق يفعل المستحيل
ولو غلطانة ينصح بلين
بيراعي مشاعرك وخصوصا وقت الحزن
بيفصل في التعامل ومبيخلطش الأمور ببعض
ولا يقلب التربيزة أو يكسر اللي تطوله إديه
ويديلك فرصة تكملي الكلام وميتعصبش أول الحديث
يا تيجي على نفسك علشان ترضيه حتى لو كان غلطان
وتسكنك الأمراض من كتر الكبت والكتمان
علشان الحياة تمشي ماهي العيال ذنبها إيه
أو تبقي خارج الحسابات وعيشتك نكد وغم
وانه يا عيني مظلوم معاكي مع أنه الظالم في الأصل
ب يستقوى عليك انت والى طرفك لانك بالنسبة له مفيش
أنت لا مصدر دخل ولا لأهلك عزوة ومال ولا جاه
شاطر في الكلام وبيترسم قدام الناس
والكل بيقول يا بختك فعلا لايقين لبعض
والصفات واحدة مع أنه ديما بيجي عليك
وأنت مستحملة في الاول حبا فيه
ودلوقتي عشان الحياة تمشي منتي أغلب أم
نفسك آخر حاجة المهم الكل
الموت علينا حق بيريح الجميع
الحي قبل الميت والحساب عند االلي خلق
بس ولا حد بيتعظ والحق مات و اندفن
و يبخته اللي بيقول الحق حتى لو كِرهه الناس
وراعىٰ ٰ ربنا في أقرب الناس إليه
جريدة الفكر الحر 