سلوى صبح تكتب
كان فين عقلي
————-
كان فين عقلي
——————-
كان فين عقلي
لما هويت؟
يا دي الخيبة أنا حبيت!!
ضربت لخمة
وقعت في الحُب
رُحت ويا ريتني ما جيت..
ده أنا كنت عايش
وحداني فايق
ومزاجي رايق
أما الآن أنا استويت..
لفيت لفيت
وبرده راجع له
ماهو في الحقيقة
أنا طبيت!!
أنا حبيت..
يعني جريت ورا قلبي جريت..
ضاعت راحتي
اتعذبت كتير
وشقيت!!
بس حلاوة الحُب خطيرة
دوقت
وجربت الدلقة
واندبيت!!
حبيت واد إنما عسلية
أسمر وحلاوته مخبية
جوة عيونه المصرية
أنا اتهديت!!
بيسبِل لي أوي بعيونه
وبجد بجد
اتخضيت!!
يخرب بيت الحُب
وغُلبُه
في وقعة كبيرة
أنا اتحطيت!!
يا سلام يا حليم
يا ما في عذاب الحُب
غنيت..
وأنا مش قادر أبعد عنه
حد يصبر قلبي شوية
أو يوصف لي
دوا لعذابه
أنا تُهت
غِلبت
آههين يا آنا
أنا حبيت..
بالعامية بقول.
بقلمي:سلوى صبح.
جريدة الفكر الحر 
Yes, patience, determination and a strong will make success. It is difficult to find what understands you because the composition of human beings is different. I appreciate your words for you, a beautiful ink pen and wonderful ideas. You are the best. Keep going. The road to success is long.
إعجابإعجاب