سلوى صبح تكتب
واللهِ كنت بحبكم

—————

والله كنت بحبكم
———————-
كل ما دا بحس غربة
في وسطكم..
الحقيقة أنا غريب مش منّكم..
ودمي مش من دمكم
وياما شلت همكم
وكنت فاكر إن أنا
ليّا مكان في قلبكم..
يا ميت خسارة
والله كُنت
من كل قلبي بحبكم..
لكنكم…
حبيتوا أكتر نفسكم
لغيتو يمكن عقلكم!
كسبتوا إيه؟
بسوء ظنكم
غير الغشاوة في عقولكم
والقساوة في نفسكم..
أمًا عن نفسي أنا
عمري ماكنت بهمكم..
مصلحتكم
ضيعت عندي قيمتكم
خيبتوا ظنِّي في قربكم..
أبكم
أصم
قلبكم!!
مجرم
عليل ودّكم..
وحياة حبي ليكم
عمري ما خنتكم
لكنكم
هنتوا عليَّا
لما بكيتوا عينيا
بجحودكم
وما ندمتم!!
يا بختكم بعقولكم
مكرتوا بيَّا
وخاب مكركم
لأني برده فهمتكم..