متوجعيش روحى
قلبى والله بيتعب
لما بتنسى و مبتجيش
حٍته فى حِته
مفضليش منه
غير الشيش
و شوية ورد حوالين منه
و يمامه من الدراويش
و شوية حَب متنطور كأنه مفيش
حتى العصافير رافضه تاكل
حاسه بوحده
خايفه الحلق يعلق لقمه وسط دموع مبتخلصش
لمة عيله بعيشها فى حلمى
أصلى من العيله ملكت أطيافهم
ما أنا مفضلش معايا غير إنى ادعيلهم
و ادعيلك بالعوده و ادعيلى انى أقابلهم
يمكن أقرب من رمش عيونك ليا
إنى أبقى …
مفيش
ربيع
25 يناير 2023
جريدة الفكر الحر 