مشهد عظيم
—————
كل واحد شايل شيلتُه على ضهره ليوم الدين
صحيح مشهد عظيم
وأغباهم بيتباهى بذنوبه
ويوم الحشر وضعه أليم..
لا صلى في يوم ولا زكي
ولا طهَّر سواد قلبه من الاحقاد
ولا نضف لسانه عمره من الغيبة
وكان بيخوض في عرض الناس
يا دي الخيبة..
نهب أموال كل خُلِق الله
في شرعه مفيش حرام ده حلال
ودي عِيبه..
ظلم وظلم وما في يوم رجع
بدون شك ولا ريبة..
قطع أرحام وبر الوالدين
عنه نام..
ودي مصيبة..
حقوق العِباد في رقبته اتعلقت
ومين يسامحه إزاي؟
وقلبُهُ انكسر على ايده
ودي عند ربنا كبيرة..
راحت الرحمة من قلبه
وزاد غلبه قصاد ربه
ولا ينفع معاه ندمه مفيش حِيلة..
ولما أوانه جه وقته
في ساعة الموت خنق نفسه
بكل ذنوبه وبمعاصيه
يا تُقل الحسرة كلها فيه
وسكراتُه أشدَّ عليه ولها هِيبة..
أعوذ بالله من الدنيا وبلاويها
يا رب ما تعلقنا أبدًا بيها
وحببنا في يوم لقياك
واهدي قلوب من عصاك
واجعل الجنة من قلوبنا قريبة..