فى شوارع الحزينه
بقيتو كروش ..
بلونه محشيه
فى شوارع الحزينه
بقينا تسليه
فى شوارع الحزينه
بقيتو أغنيه
فى شوارع الحزينه
جواسيس .. للحن .. ناصبه عروش
فى شوارع الحزينه
كتير بايعنها
و كتير عاشقنها
و كتير عارفينها
و كتير عناقدها
و كتير يا رب على العاشقين
فى شوارع الحزينه
رجال تطمن الحاضر و الغايبين
رجال غاليين
رجال نادرين
رجال من طين
من عزقة فاطمه فجريه
و ساجية زينب عصريه
و طله بتعسيله فى حضن بباب أخضر
و ثمراية علم عند حبيبتى
و سيرين بيفسر الأحلام
و بوج الميه فى سبيلنا
الميه
سبيل
و مجاذييييييييب
و رجال تايهين
و رجال تانيين
عنيهم ع الخُضره و البساتين
و ناس تانيين
عنيهم ع الزمن
والله ما بإيدنا
لولاش الولايه و الأمر
ما كنت أفرد لنجومها ، غير الغُنا
ما كنت أفرش إلا روحي
عقلي
عم بالوجع بيأن
يا رب مالنا خلاص
غير بقطع الظن
و المعرفه الكدابه
و الفهم الجهل
يا رب مالنا خلاص
غير بالرحمه فى قلوبنا
سَكينه لجل النبى
و و أهله
فى شوارع الحزينه أنا زُرت أهل النبى
خُفت أقطع الوحي لم بيغيب عن مُبتلى
و لجل ما أقصر
الوعد حق
و الوعيد ويل
أُُدعو الخالق أن يشملكم رحمه
و ينبت من أرواحكم خير
و يبدل خوفك سَكينه
الوعد حق
و الوعيد ويل
و البغته …
و يبقى للحديث بقيه
البغته غيب
البغته فعل
البغته سر
البغته ذِكر
من إختُصَ أولي الأفئده
أرق ما و صف به كائن فى لحظته
أقوى من تلك التى كتبت
أحمد ربيع
26 يناير 2023
التاسعه صباحا
جريدة الفكر الحر 